ګویانګ، چين، جون 6، 2023 /PRNewswire/ — د Huanqiu.com په واسطه چمتو شوی خبري راپور:
د چين د 2023 کال د پراخه ډېټا د صنعت نندارتون، چې “د پراخه ډېټا د نندارتون” په نوم هم یادېږي، د مۍ میاشتې په 26مه نېټه د ګويژو ولایت په ګویانګ کې پیل شو. په پرانېستې غونډه کې په محلي او نړيواله کچه 1,300 ګډونوالو برخه اخيستې وه.
په کلنۍ موضوع باندې په تمرکز سره، “د ډيجيټلي او واقعي اقتصادونو ادغامول، د تګ راتګ په ځواک سره د راتلونکي قلف خلاصول”، د “سږ کال د پراخه ډېټا نندارتون د ډېټا له لارې د ارزښت په رامنځ ته کولو سره، د راتلونکي لپاره د نوښت رامنځ ته کولو اهمیت نندارې ته وړاندې کوي”. دې پېښې په بریالیتوب سره له 50 هیوادونو او سیمو څخه 328 مخکښ صنعتونه ، تصدۍ او سوداګرۍ راجلب کړې دي چې په خپله نړيواله پراختیا باندې ټینګار کوي.
دغه نندارتون چې درې ورځې په دوام ومومي، د کنفرانسونو، نندارتونونو، د محصول د وړاندې کولو د جشنونو، سیالیو او سوداګریزو بحثونو په ګډون بېلابېل فعالیتونه وړاندې کوي. دغه پروګرام اووه د لوړې کچې مباحث تر پوښښ لاندې نيسي، لکه “ختيځه ډېټا، غربي محاسبه/کمپيوټري ريشته”، د “مصنوعي ځیرکتیا لوی موډلونه”، او د “ډیجيټلي اقتصاد نوښتونه او ښېرازي”. سربېره پر دې، 21 فورمونه به د “ډیجيټلي اقتصاد او حقیقي اقتصاد د ادغام د عميقولو” او همدارنګه د “ډېټا د اجزاوو ګردش او د ارزښت تحقق” اړوند موضوعات وسپړي.
دغه نندارتون د نړيوالې همکارۍ ترویج، د مسلکي توب پراختیا، او د مارکېټ د اړتیاوو پوره کولو ته ژمن دی. دې هدف ته د رسېدو لپاره، دغه پېښه په شپږو اصلي او فرعي برخو کې د نندارې غرفې وړاندې کوي چې نړيوال اتصال، د ډېټا د کلسټرونو، ډیجيټلي صنعت، صنعتي ډیجيټليتوب، تخلیقي سناریوګانو، او ډیجيټلي ژوندتوګې لپاره لويې پروژې وړاندې کوي. دا غرفې د صنعت د وروستیو تکنالوژیو، محصولاتو،حللارو، او اپلېکېشنونو د نندارې لپاره څو اړخیزه پلټ فارم چمتو کوي.
دغه نندارتون به همدارنګه له 20 غوره تکنالوژیکو پرمختګونو څخه هم پرده پورته کړي، چې په ډېر دقت سره له 357 بېلګو څخه غوره شوي دي. په ورته وخت کې، څلور سیالۍ به د په انټرنېټي صنعتي سیالۍ او د ډېټا په اساس د په سناریوګانو باندې په تمرکز سره ترسره شي. ګڼ شمېر نور فعالیتونه به د سوداګرۍ او سوداګریزو بحثونو پر محور باندې چورلېږي.
د پراخه ډېټا نندارتون په 2015 کې د خپل کار د پیل راهيسې همېشه پراخه ډېټا ته د وقف شوي نندارتون په توګه د نړۍ د لومړي نندارتون په توګه خپل موقف ساتلی دی. په فعالانه توګه یې نړيوال بدلونونه منلي دي او په ملي کچه د یوې پېښې په توګه په پیاوړي صنعتي تمرکز سره کار کوي او د تصدیو له ظرفیتونو څخه په اغېزمنه توګه استفاده کوي. د نندارتون موخه د ډیجيټلي اقتصاد په عصر کې له نوو میکانیزمونو څخه په استفادې سره د چين له خوا د پراخه ډېټا د پرمختګ لپاره د نوښتیزو حللارو وړاندې کول دي. په نهایت کې د دې نندارتون ماموریت د پراخه ډېټا نړيوالې پراختیا ته وده ورکول دي.
تصویر – https://mma.prnewswire.com/media/2093819/image_1.jpg